ნინოწმინდის მუნიციპალიტეტში „სოფლის მხარდაჭერის პროგრამა 2026“-ის ფარგლებში მოსახლეობასთან შეხვედრები აქტიურ რეჟიმში გრძელდება.
მუნიციპალიტეტის ხელმძღვანელი პირები ამჯერად ეშტიის ადმინისტრაციული ერთეულის სოფლებში იმყოფებოდნენ.
მერიისა და საკრებულოს წარმომადგენლები სოფლების – ეშტიის, თორიის, უჩმანისა და ყაურმის მოსახლეობას შეხვდნენ.
სოფლის კრებებზე ადგილობრივების საჭიროებებზე გამახვილდა ყურადღება, განიხილეს მათთვის მნიშვნელოვანი საკითხები და ხმათა უმრავლესობით პრიორიტეტული პროექტი შეარჩიეს, რომელიც 2026 წელს განხორციელდება.
ინფორმაციას ნინოწმინდის მუნიციპალიტეტის მერია ავრცელებს.