ვანის მუნიციპალიტეტის მერის მოადგილე ვლადიმერ ხელაძე „სოფლის მხარდაჭერის პროგრამის“ ფარგლებში სოფლების ძულუხის, სულორის, დიხაშხოს, ზენობნის და სალხინოს მოსახლეობას შეხვდა.
შეხვედრებზე დასახელდა რამდენიმე პროექტი, რაც ადგილობრივი მოსახლეობისთვის პრიორიტეტულია: ფეხბურთის მინი სტადიონის და შესაბამისი ინფრასრუქტურის მოწყობა; შიდა საუბნო გზების მოწესრიგება; ომში დაღუპულთა მომორიალის და მის ირგვლივ სკვერის მოწყობა; არსებული სტადიონებისა და სკვერების რეაბილიტაცია;
შეხვედრებს ადმინისტრაციულ ერთეულებში მერის წარმომადგენლები და დეპუტატები ესწრებოდნენ.
„სოფლის მხარდაჭერის პროგრამის“ ფარგლებში შემოსულ პროექტებზე მუშაობა უმოკლეს ვადაში დაიწყება.
ინფორმაციას ვანის მუნიციპალიტეტის მერია ავრცელებს.