კამპანია „არა ნარკოტიკს“ – ახალქალაქში ფეხბურთის ჩემპიონატი გაიმართა

I ადგილი – სოფელ მურჯახეთის ნაკრებმა დაიკავა.

II ადგილი – სოფელ ვაჩიანის გუნდმა.

III ადგილი – ახალქალაქის მუნიციპალიტეტის მერიის ააიპ “სერვის ცენტრის” თანამშრომელთა გუნდმა.

გამარჯვებულ გუნდებს, სპორტული ღონისძიების ორგანიზატორებთან ერთად თასები და მედლები გადასცეს ახალქალაქის მუნიციპალიტეტის მერმა მელქონ მაკარიანმა, საკრებულოს თავმჯდომარე ნაირი ირიციანმა , მერის მოადგილეებმა და

ადგილობრივი თვითმმართველობის წარმომადგენლებმა.

ჩემპიონატის ფინალისტ გუნდს კი მომდევნო თამაშში წარმატება უსურვეს .

ჩემპიონატის მომდევნო ეტაპზე, გამარჯვებული გუნდი რეგიონულ პირველობაზე იასპარეზებს, ხოლო ფინალურ ეტაპზე რეგიონის გამარჯვებული გუნდი საქართველოს ჩემპიონატში მიიღებს მონაწილეობას.

ღონისძიების დევიზია – „არა ნარკოტიკს“ და ავირჩიოთ ჯანსაღი ცხოვრება!

პროექტის მიზანს სპორტის მეშვეობით ახალგაზრდებში ჯანსაღი ცხოვრების წესის ხელშეწყობა და ნარკოტიკებისგან თავის არიდების წახალისება წარმოადგენს.

ინფორმაციას და ფოტომასალას ახალქალაქის მუნიციპალიტეტის მერია ავრცელებს.