საქართველოს პრემიერ-მინისტრი ირაკლი კობახიძე ეუთო-ს საპარლამენტო ასამბლეის (OSCE PA) პრეზიდენტს, პერე ჟოან პონს სამპიეტროს შეხვდა.
საქართველოს მთავრობის ადმინისტრაციის ინფორმაციით, მხარეებმა საქართველოსა და ეუთო-ს შორის ორმხრივი თანამშრომლობის დღის წესრიგი განიხილეს.
როგორც ირაკლი კობახიძემ აღნიშნა, საქართველო აფასებს ეუთო-ს მნიშვნელოვან როლს, მათ შორის, კონფლიქტებთან დაკავშირებულ საკითხებში.
შეხვედრისას ყურადღება დაეთმო ქვეყანაში მიმდინარე პოლიტიკურ პროცესებს, განხორციელებულ საკანონმდებლო ცვლილებებსა და დემოკრატიულ სახელმწიფოში სამართლის უზენაესობის პრინციპის დაცვის აუცილებლობას.
მთავრობის ადმინისტრაციაში გამართულ შეხვედრას საგარეო საქმეთა მინისტრი მაკა ბოჭორიშვილი, მთავრობის ადმინისტრაციის უფროსი ლევან ჟორჟოლიანი და პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე დაესწრნენ.