ნინოწმინდის მუნიციპალიტეტის მერიაში გაიმართა შეხვედრა საქართველოს სახალხო დამცველის აპარატის გენდერის დეპარტამენტის წარმომადგენლებსა და ნინოწმინდის მუნიციპალიტეტის მერიისა და საკრებულოს ქალ თანამშრომლებს შორის.
შეხვედრის ფარგლებში სახალხო დამცველის აპარატის წარმომადგენლებმა განიხილეს გენდერული დეპარტამენტის საქმიანობა, ქვეყანაში ქალთა უფლებების არსებული მდგომარეობა, ასევე მოისმინეს ნინოწმინდის მუნიციპალიტეტის მერის, ანივარდ მოსოიანისა და ადგილობრივი თვითმმართველობის წარმომადგენლების მოსაზრებები მუნიციპალიტეტში ქალების მიღწევებსა და პრობლემებზე.