ნინოწმინდის კულტურის სახლში საქართველოს დამოუკიდებლობის დღე საზეიმოდ აღინიშნა.
სადღესასწაულო ღონისძიებას ნინოწმინდის მუნიციპალიტეტის საკრებულოს თავმჯდომარე ვაან აროიანი, მერი ანივარდ მოსოიანი, ოფიციალური პირები, კულტურის სექტორის წარმომადგენლები, მუნიციპალიტეტის მოსახლეობა ესწრებოდნენ.
26 მაისი საქართველოს დამოუკიდებლობისა და რესპუბლიკის გამოცხადების დღეა. 1918 წელს საქართველო ამიერკავკასიის რესპუბლიკებიდან პირველმა გამოაცხადა დამოუკიდებლობა. ეს მოხდა 26 მაისს, ამავე დღეს, როცა ამიერკავკასიის ფედერაციული რესპუბლიკა დაიშალა.
