ცაგერის მუნიციპალიტეტში „მწვანე თეატრის“ სარეაბილიტაციო სამუშაოები მიმდინარეობს.
ამჟამად არსებული ინფრასტრუქტურის განახლება მიმდინარეობს, მათ შორის: სცენის, ლითონის ვიტრაჟების, საგრიმიორო ოთახების. ასევე, ეწყობა საჩრდილობელი სივრცე, რაც სიახლეა და მზიან ამინდშიც შეუქმნის მაყურებელს კომფორტულ გარემოს.
მიმდინარეობს სველი წერტილების, არსებული ბილიკების, წყალმომარაგების სისტემის განახლება. შესასვლელში მოეწყობა ლითონის ახალი დეკორატიული ჭიშკარი.
სამუშაოების მიმდინარეობის პროცესი დაათვალიერეს რაჭა-ლეჩხუმ-ქვემო სვანეთის სახელმწიფო რწმუნებულის მოადგილემ ალუდა თუთისანმა, ცაგერის მუნიციპალიტეტის მერმა ლევან ზალკალიანმა, პირველმა მოადგილემ მამუკა ხიმშიაშვილმა, საკრებულოს თავმჯდომარემ ჭაბუკი ჭაბუკიანმა, მერიის ზედამხედველობის სამსახურის უფროსმა გელა მამარდაშვილმა.
პროექტის სახელშეკრულებო ღირებულება 357 797 ლარია. სამუშაოები მიმდინარე წლის ოქტომბერში უნდა დასრულდეს.
სამუშაოები რეგიონებში განსახორციელებელი პროექტების ფონდის დაფინანსებით ხორციელდება.
ინფორმაციას ცაგერის მუნიციპალიტეტის მერია ავრცელებს.