ამერიკის შეერთებული შტატების საელჩო საქართველოში არასაიმიგრაციო ვიზის გასაუბრების შესახებ ინფორმაციას სოციალური ქსელით ავრცელებს.
როგორც საელჩოს ინფორმაციაშია აღნიშნული, გასაუბრებაზე გადაწყვეტილება მიიღება ინდივიდუალური განხილვით, აშშ-ის საიმიგრაციო კანონის შესაბამისად. საკონსულოს ოფიცერი საქართველოსთან თქვენს კავშირს სრულად შეაფასებს, მათ შორის განიხილავს:
ოჯახსა და ახლობლების წრეს
სამსახურსა და ფინანსებს
მოგზაურობის ისტორიას
აშშ-თან ნებისმიერ კავშირს
„გასაუბრებაზე შეგიძლიათ თან იქონიოთ დოკუმენტები, რომელიც ადასტურებს თქვენს კავშირს სამშობლოსთან. გთხოვთ, გაითვალისწინოთ, რომ B1/B2 ტურისტული ვიზებისთვის, ოფიცრებს არ მოეთხოვებათ თქვენი დოკუმენტაციის გადახედვა“,- ნათქვამია ინფორმაციაში.