ჩვენ, ყველას გვიყვარს ევროპა, გვიყვარს ევროპის ქვეყნები, მაგრამ ევროკავშირი აბსოლუტურად სასტიკი იყო ვაჭრობასთან მიმართებით, – ამის შესახებ აშშ-ის პრეზიდენტმა, დონალდ ტრამპმა განაცხადა.
„ევროკავშირი ძალიან აუტანელი იყო, ისინი სათანადოდ არ გვექცეოდნენ“, – განაცხადა ტრამპმა.
აშშ-ის პრეზიდენტმა ხელი მოაწერა მემორანდუმს, რომლითაც აშშ-ის კომერციის მდივნობის კანდიდატს, ჰოვარდ ლუტნიკს და აშშ-ის სავაჭრო წარმომადგენლობის კანდიდატს, ჯეიმისონ გრირს დაავალა ქვეყნების მიხედვით აშშ-ის სავაჭრო ურთიერთობების ანალიზი და კონკრეტული „გამოსწორების ზომების“ შეთავაზება იმ შემთხვევებში, სადაც, სავარაუდოდ, ამერიკული კომპანიების დისკრიმინაცია ხდება.
„მე გადავწყვიტე სამართლიანობის მიზნით, რომ დავაწესებ საპასუხო ტარიფს, რაც ნიშნავს იმას, რომ რასაც სხვა ქვეყნები აწესებენ ამერიკის შეერთებული შტატების მიმართ, იმავეს დავაწესებთ ჩვენც. თითქმის ყველა შემთხვევაში ისინი გვაკისრებენ გაცილებით მეტს, ვიდრე ჩვენ ვაკისრებთ მათ, მაგრამ ამ დღეებმა ჩაიარა“, – განაცხადა ტრამპმა.