GUARDIANGE – კანადაზე ტარიფების დაწესების შემდეგ, აშშ-ის პრეზიდენტი, დონალდ ტრამპი, კიდევ ერთხელ გამოხატავს თავის დაჟინებულ სურვილს კანადის ამერიკის შეერთებული შტატების 51-ე შტატად მიერთების შესახებ და აცხადებს, რომ აშშ-ის „უზარმაზარი სუბსიდიის გარეშე, კანადა, როგორც სიცოცხლისუნარიანი ქვეყანა, აღარ იარსებებს“.
„ჩვენ ასობით მილიარდ დოლარს ვიხდით კანადის სუბსიდირებისთვის. რატომ? ამის არანაირი მიზეზი არ არსებობს. მათგან არაფერი გვჭირდება, რაც მათ აქვთ. ჩვენ გვაქვს შეუზღუდავი ენერგია, შეგვიძლია საკუთარი მანქანების წარმოება და გვაქვს იმაზე მეტი ხე-ტყე, ვიდრე ოდესმე შევძლებთ გამოყენებას. ამ უზარმაზარი სუბსიდიის გარეშე, კანადა, როგორც სიცოცხლისუნარიანი ქვეყანა, აღარ იარსებებს. მკაცრია, მაგრამ სიმართლეა! ამიტომ, კანადა უნდა გახდეს ჩვენი სანუკვარი 51-ე შტატი. გაცილებით უფრო დაბალი გადასახადები და ბევრად უკეთესი სამხედრო დაცვა კანადელი ხალხისთვის — და არანაირი ტარიფები!“, – წერს ტრამპი თავის სოციალურ მედია პლატფორმაზე.