ახალქალაქის მუნიციპალიტეტის ხელმძღვანელობა მოსახლეობასთან მუდმივ რეჟიმში განაგრძობს მჭიდრო კომუნიკაციას. ახალქალაქის მუნიციპალიტეტის მერი მელქონ მაკარიანი, საკრებულოს თავმჯდომარე რუბენ პალიანი, მერისა და საკრებულოს თავმჯდომარის მოადგილეები და საკრებულოს დეპუტატები სოფლებს — კუმურდოსა და კიროვაკანს ეწვივნენ.
შეხვედრა-ანგარიშის ფარგლებში, ხელმძღვანელმა პირებმა სოფელ კუმურდოში ადგილობრივ მოსახლეობასთან ერთად დაათვალიერეს სოფლის ცენტრში ახლად მოწყობილი სკვერი და შეაჯამეს შესრულებული სამუშაოები.
ინფრასტრუქტურული პროექტის ფარგლებში:
მოეწყო ღია და დახურული ფანჩატურები;
შეიქმნა ბავშვთა გასართობი და სავარჯიშო სივრცე;
დაიგო საფეხმავლო ბილიკები და დამონტაჟდა გარე განათების სისტემა;
გამწვანდა გაზონები და სკვერი სრულად აღიჭურვა შესაბამისი ინფრასტრუქტურით.
პროექტის ღირებულება: 284 500 ლარი (დაფინანსდა ადგილობრივი ბიუჯეტიდან).
ვიზიტის ფარგლებში, მუნიციპალიტეტის ხელმძღვანელობა ასევე იმყოფებოდა სოფელ კიროვაკანში, სადაც ბეტონის გზის მოწყობის დასრულებული სამუშაოები დაათვალიერა.
ინფორმაციას ახალქალაქის მუნიციპალიტეტის მერია ავრცელებს.