ახალქალაქის მუნიციპალიტეტის სოფელ გომანში გზის სარეაბილიტაციო სამუშაოები მიმდინარეობს.
მუნიციპალიტეტის მერის მოადგილე თეიმურაზ მჭედლიძე ინფრასტრუქტურულ სამუშაოებს ადგილზე გაეცნო და შესაბამისი რეკომენდაციები გასცა.
მოსაწესრიგებელი სამუშაოების დასრულების შემდეგ, ასფალტ-ბეტონის გზის პირველი ეტაპით გათვალისწინებული მონაკვეთი დაიგო.
სამუშაოები ინტენსიურ რეჟიმში გაგრძელდება და ასფალტ-ბეტონის საფარი გზის 1 836 მეტრიან მონაკვეთზე დაიგება.
პროექტი რეგიონული განვითარების ფონდიდან და ადგილობრივი ბიუჯეტიდან ფინანსდება და მისი ღირებულება 1 049 164 ლარს შეადგენს.
საგზაო ინფრასტრუქტურის მოწესრიგების სამუშაოებს კომპანია შპს „ჯავახავტოგზა“ ასრულებს.
ინფორმაციას ახალქალაქის მუნიციპალიტეტის მერია ავრცელებს.