ვანის მუნიციპალიტეტის მერიამ სოციალურად დაუცველი მოსახლეობისთვის სააღდგომო ნობათის დარიგება დაიწყო. ბენეფიციართა ნაწილს, დღეს ვანის მუნიციპალიტეტის მერმა ალექსანდრე გოგორიშვილმა და მერის მოადგილემ ვლადიმერ ხელაძემ ნობათი პირადად გადასცეს და აღდგომის დღესასწაული მიულოცეს.
ვანის მუნიციპალიტეტის მერია ყოველწლიურად გადასცემს სასურსათო პაკეტებს იმ მოქალაქეებს, რომელთაც განსაკუთრებით სჭირდებათ გვერდით დგომა.
სააღდგომო ნობათს მუნიციპალიტეტის ადმინისტრაციულ ერთეულებში მცხოვრებ სოციალურად დაუცველ მოსახლეობას მერის წარმომადგენლები გადასცემენ.
ინფორმაციას ვანის მუნიციპალიტეტის მერია ავრცელებს.