GUARDIANGE-ის ფოტოზე: სსიპ ახალქალაქის მუნიციპალიტეტის სოფელ ლომატურცხის საჯარო სკოლის პედაგოგები 2023 წლის ოქტომბერი
განათლების, მეცნიერების და ახალგაზრდობის კომიტეტმა პირველი მოსმენით განიხილა „ზოგადი განათლების კანონის“ ცვლილება მასწავლებელთა საშვებულებო ანაზღაურებასთან დაკავშირებით.
ცვლილების თანახმად, მასწავლებლები 2023-2024 სასწავლო წლის საათობრივი დატვირთვის შესაბამის გაზრდილ ანაზღაურებას 2024 წლის 1-ელი ივლისიდან საშვებულებო პერიოდში აიღებენ.
ახალი სახელფასო სისტემით მასწავლებელთა 93%-ს ხელფასი გაეზრდება პროპორციულად 2023-2024 წლების საათობრივი დატვირთვების შესაბამისად, აქედან სრულ განაკვეთზე მყოფ 70%-ს, ხელფასი საშუალოდ 500 ლარით და მეტით გაეზრდება, დანარჩენ 23%-ს – 400, 300, 200 ლარით.
ამასთანავე, აღსანიშნავია, რომ არც ერთ მასწავლებელს ხელფასი არ დააკლდება და ინიცირებული ცვლილების შესაბამისად, მასწავლებელთა 7%-ს, რომელთაც არსებული ფორმულით მცირე დატვირთვის შემთხვევაში იღებდნენ სრულ დანამატს, შეუნარჩუნდებათ არსებული ხელფასი.