სულ მცირე 118 ადამიანი დაიღუპა და 250-ზე მეტი დაშავდა ჩინეთის ჩრდილო-დასავლეთით, განსუს პროვინციაში მომხდარი 6.2 მაგნიტუდის მიწისძვრის შედეგად. მაშველები -13 გრადუსის ტემპერატურის პირობებში, ყინულოვან ამინდში ატარებენ სამძებრო სამუშაოებს გადარჩენილების საპოვნელად.
ჩინეთის ლიდერმა სი ძინპინმა ბრძანება გასცა, რომ სრული ძალისხმევით განახორციელონ სამაშველო ღონისძიებები.
რეგიონის ზოგიერთ ნაწილში შეფერხებულია ელექტროენერგიის მიწოდება და წყალმომარაგება.