„სატარიფო ომი არ არის მხოლოდ ეკონომიკური მოვლენა. ამერიკული ტარიფები საფრთხეს უქმნის არა მხოლოდ თავისუფალი ვაჭრობის გლობალურ წესრიგს, არამედ პოლიტიკურ სტაბილურობას მსოფლიოში.
რატომ მაინცდამაინც ახლა?! რატომ მაშინ, როცა უკრაინის (და არა მარტო უკრაინის) ბედი წყდება?
პირველ რიგში ეს არის დარტყმა მოკავშირეებზე.
ევროპაში ომია, მსოფლიოს ბევრ რეგიონში კონფლიქტების კერებია. სატარიფო ომი მხოლოდ რუსეთის წისქვილზე ასხამს წყალს.
არც ჩვენთვისაა კარგი, რაც ხდება. მაღალი გადმოსახედიდან მეორეხარისხოვნად ვჩანვართ მსოფლიოს დღის წესრიგში. ასეთი ვითარება ამ რუსულ ხელისუფლებასაც აძლევს ხელს.
მოქმედების ახალი გეგმა უნდა შემუშავდეს ახალი რეალიების გათვალისწინებით“, – წერს პოლიტიკოსი რომან გოცირიძე სოციალურ ქსელში.