„ამერიკის მიერ მსოფლიოს ყველა ქვეყნისათვის არნახული ოდენობის საბაჟო გადასახადის დაწესება არის არა მხოლოდ გლობალური ეკონომიკური მოვლენა, არამედ გეოპოლიტიკური ტექტონიკური ძვრის ტოლფასი. ყველაზე დაბალი დამატებითი ტარიფი დაუწესდა მცირე რაოდენობის ქვეყნებს (10 პროცენტის ოდენობით), რომელშიაც მოხვდა საქართველო, სომხეთი და აზერბაიჯანი.
საქართველოსთან დაკავშირებით ყველაფერი გასაგებია, რადგან ჩვენ ფაქტობრივად ცალმხრივად გვაქვს დაწესებული თავისუფალი ვაჭრობის რეჟიმი და არა თუ ამერიკულ საქონელს არ ვბეგრავთ იმპორტისას, არამედ იმ ქვეყნებისასაც, რომლებსაც მაღალი იმპორტის გადასახადი აქვთ დაწესებული ჩვენს საქონელზე. სომხეთი და აზერბაიჯანი რა პრინციპით მოხვდა დაბალ ტარიფებში, გაუგებარია.
ტარიფების ომი კარგს არაფერს მოიტანს და თუ ვინმე დაზარალდება, პირველ რიგში ეს თავად ამერიკელი მომხმარებელია. დრომოჭმული პროტექციონისტული პოლიტიკა შეუსაბამოა მსოფლიოს გლობალური განვითარების პრინციპებთან და სულაც არაა გამორიცხულია, რომ ოთხი წლის შემდეგ ყველაფერი შეიცვალოს. პირველ შედეგებს რასაც ვხედავთ, ჯერ ტარიფები არც ამოქმედებულა და ინვესტორებმა უკვე დაკარგეს ტრილიონობით დოლარი ამერიკული საფონდო ბაზრების ვარდნის გამო, რაც ტრამპის ინაუგურაციის შემდგომ პერიოდში მოხდა.
მოკლედ, ტურბულენტური ოთხწლედი გველოდება“, – წერს პოლიტიკოსი რომან გოცირიძე სოციალურ ქსელში.