ლანჩხუთის მუნიციპალიტეტის მერმა, მოადგილეებთან ერთად, სამსახურების უფროსებთან სამუშაო შეხვედრა გამართა.
მუნიციპალიტეტის მერმა დიდთოვლობასთან დაკავშირებით აღნიშნა, რომ შესაბამისი კომისია კვლავ აგრძელებს მუშაობას. ამ დროისთვის 1 500-მდე სახლი არის აღრიცხული, რომელთაც სხვადასხვა სახის დაზიანებები აქვთ და აუცილებელია რეაბილიტაციის სამუშაოების ჩატარება. როგორც ცნობილია, საქართველოს მთავრობის გადაწყვეტილებით, თითოეული მოქალაქის საჭიროება იქნება დაკმაყოფილებული.
ინფრასტრუქტურის კუთხით სამუშაოები გრძელდება ჩოჩხათის, ლესისა და სუფსის ადმინისტრაციულ ერთეულებში. რეგიონში განსახორციელებელი პროექტების ფონდიდან დაწყებულია შიდა გზების რეაბილიტაცია.
თითქმის ყველა ადმინისტრაციულ ერთეულში აქტიურად მიმდინარეობს სამუშაოები სტიქიის სალიკვიდაციო ღონისძიებების ფარგლებში. გრძელდება დაზიანებული ხიდების შეკეთება და ნაპირსამაგრების მოწყობა.
ალექსანდრე სარიშვილმა მოისმინა ინფორმაცია სოციალური და ჯანდაცვის პროგრამების შესახებ. ჯანმრთელობის დაცვისა და სოციალური უზრუნველყოფის კუთხით გრძელდება 2025 ბიუჯეტით გათვალისწინებული პროგრამების განხორციელება.
შეხვედრაზე აღინიშნა, რომ 20 აპრილს, სოფელ შუხუთში, ტრადიციული ,,ლელობურთი“ გაიმართება, დაგეგმილია სხვადასხვა კულტურული და სპორტული აქტივობები.
მუნიციპალიტეტის მერმა დაავალა სამსახურების უფროსებს მაქსიმალური ყურადღება გამოიჩინონ მოქალაქეების საჭიროებების მიმართ, რათა უმოკლეს დროში მოგვარდეს სხვადასხვა მნიშვნელოვანი საკითხი.