გაზაფხულის დადგომასთან ერთად, ახალქალაქში გარემოზე ზრუნვისა და გამწვანების კვირეული დაიწყო.
აღმაშენებლისა და თავისუფლების ქუჩებზე დეკორატიული ნეკერჩხლისა და ტყემლის ხეები დაირგო.
გამწვანების აქციაში ადგილობრივი თვითმმართველობის წარმომადგენლები აქტიურად ჩაერთვნენ.
ქალაქის გამწვანებაში საქართველოს პარლამენტის წევრი სამველ მანუკიანი, მერი მელქონ მაკარიანი, საკრებულოს თავმჯდომარე ნაირი ირიციანი, მერის მოადგილეები და ახალქალაქის ა(ა)იპ “სერვის ცენტრის” თანამშრომლები მონაწილეობდნენ.
აღსანიშნავია, რომ ა(ა)იპ “სერვის ცენტრმა” ხეების ნაწილი შეიძინა და მწვანე
ნარგავების მოვლა-პატრონობაზე ზრუნვის პასუხისმგებლობას სრულად სერვის-ცენტრი იზიარებს.
ახალქალაქში გამწვანების აქცია ეტაპობრივ ხასიათს ატარებს და მომავალშიც გაგრძელდება.
ინფორმაციას ახალქალაქის მუნიციპალიტეტის მერიის პრესსამსახური ავრცელებს.