ნინოწმინდის მუნიციპალიტეტი უფასო სისხლის დონაციის აქციას შეუერთდა, რომელიც გაიმართა ლოზუნგით „გაუზიარე სიცოცხლე, გაიღე სისხლი“. საკრებულოსა და მერიის თანამშრომლებმა სისხლი ნებაყოფლობით გაიღეს.
აღსანიშნავია, რომ სისხლის გადასხმის საქალაქო სადგური ატარებს აქციას, რომელიც საქართველოს სისხლის ბანკებს შორის წამყვან პოზიციას იკავებს. სისხლის გადასხმის საქალაქო სადგური სხვადასხვა მუნიციპალიტეტში ახორციელებს სტაციონარული სისხლის შეგროვების პროგრამებს, რომლის მიზანია საქართველოში დონაციის დონის ამაღლება, რადგან სისხლისა და მისი კომპონენტების გადასხმა ყოველწლიურად მილიონობით ადამიანის სიცოცხლეს იხსნის.