დღეს სსიპ კადეტთა სამხედრო ლიცეუმის, გენერალ გიორგი კვინიტაძის და გენერალ გიორგი მაზნიაშვილის სახელობის კადეტთა სამხედრო სკოლების მისაღები გამოცდები ტარდება.
შეფასებისა და გამოცდების ეროვნული ცენტრის დირექტორი თამარ მემანიშვილი პროცესის მიმდინარეობას თბილისის №147 საჯარო სკოლაში გახსნილ საგამოცდო ცენტრში გაეცნო.
11 ივლისს ლიცეუმში ჩარიცხვის მსურველი მოსწავლეები მათემატიკის გამოცდას ჩააბარებენ, ხოლო 12 ივლისს – ზოგადი უნარების გამოცდას. შეფასებისა და გამოცდების ეროვნული ცენტრი გამოცდებს ცენტრალიზებულად ორ ქალაქში, თბილისსა და ქუთაისში ატარებს.
ინფორმაციას შეფასებისა და გამოცდების ეროვნული ცენტრი ავრცელებს.