სალომე სამადაშვილი: ღატაკი ქვეყნის უვიცი პრემიერი წიხლით უნდა გააგდო

ფოტო: ლელო საქართველოსთვის

საქართველოს პარლამენტის წევრი სალომე სამადაშვილი პრემიერ-მინისტრ ირაკლი ღარიბაშვილის ამერიკის შეერთებულ შტატებში ჩარტერული რეისით გამგზავრებას ეხმაურება და ამბობს, რომ „ბოლო თეთრამდე უნდა მოიტანონ, რაც მოიპარეს“.

„მაილის რეპსი – იყო ასეთი, ესტონეთის განათლების მინისტრი, ჩემი ყოფილი კურსელი ცენტრალური ევროპის უნივერსტეტში, სამსახურებრივი მანქანით გაუშვა შვილი სკოლაში. გადადგომა მოუწია.

ჩვენ ის უნდა ვარკვიოთ, ღატაკი ქვეყნის უვიცმა პრემიერმა ჩარტერული რეისი ფილადელფიამდე იქირავა შვილის სამგზავროდ, თუ პარიზამდე. ეს ყოფილა მთავარი.

წიხლით უნდა გააგდო, მერე მოქალაქეების დახმარების ფონდი შექმნა მათი მოპარული სახსრების ბიუჯეტში დაბრუნების გზით. როგორც რუსეთის გაყინულ რეზერვებს აითვისებენ უკრაინის რეკონსტრუქციისთვის, ამათი ნაძარცვიც მსხვერპლს უნდა დაუბრუნო.

ბოლო თეთრამდე უნდა მოიტანონ, რაც მოიპარეს, – წერს სამადაშვილი სოციალურ ქსელ „ფეისბუქში“.