ნატო-ს გენერალური მდივანი იენს სტოლტენბერგი 17-19 მარტს სომხეთს, აზერბაიჯანსა და საქართველოს ეწვევა. ამის შესახებ ინფორმაცია NATO-ს ვებგვერდზე გამოქვეყნდა.
თბილისში იენს სტოლტენბერგი 18 მარტს აზერბაიჯანიდან ჩამოვა. მას დაგეგმილი აქვს შეხვედრა პრეზიდენტ სალომე ზურაბიშვილთან და პრემიერ-მინისტრ ირაკლი კობახიძესთან. სტოლტენბერგი ირაკლი კობახიძესთან ერთობლივ პრესკონფერენციას გამართავს.
19 მარტს, ნატო-ს გენერალური მდივანი საქართველოდან სომხეთის დედაქალაქ ერევანში გაემგზავრება.