საქართველოში გაერთიანებული სამეფოს ელჩი გარეთ უორდი სრულიად საქართველოს კათოლიკოს-პატრიარქის, ილია მეორის გარდაცვალების გამო ღრმა მწუხარებას გამოთქვამს და ქართველ ხალხს უსამძიმრებს.
„მისი უწმინდესობა, სრულიად საქართველოს კათოლიკოს-პატრიარქი ილია მეორე, საქართველოს სულიერი წინამძღვარი იყო ნახევარი საუკუნის განმავლობაში. მისმა შეუდარებელმა ღვაწლმა განუზომელი გავლენა იქონია ქართველი ხალხის ცხოვრებაზე და დამოუკიდებელი ქართული სახელმწიფოს ჩამოყალიბებაზე.
2011 წელს მისი უდიდებულესობა დედოფალ ელიზაბეტთან მისი შეხვედრა განსაკუთრებული მოვლენა იყო ქვეყნებს შორის ურთიერთობებში.
დღეს, ღრმა მწუხარებას გამოვთქვამთ უწმინდესობისა და უნეტარესობის გარდაცვალების გამო, ვუსამძიმრებთ საქართველოს მართლმადიდებელ ეკლესიას და ქართველ ხალხს. უფალმა დაუმკვიდროს სამუდამო სასუფეველი“, – აცხადებს დიდი ბრიტანეთის ელჩი სოციალურ ქსელში გამოქვეყნებულ ვიდეო მიმართვაში.