GUARDIANGE – ამერიკის შეერთებული შტატების პრეზიდენტმა, დონალდ ტრამპმა გაერთიანებული სამეფოს პრემიერ-მინისტრი კირ სტარმერი ირანზე აშშ-ის თავდასხმისას მისი პოზიციის გამო გააკრიტიკა.
„The Sun“-თან საუბრისას ტრამპმა განაცხადა, რომ პრემიერ-მინისტრი „დახმარებისთვის მზად არ აღმოჩნდა. არასდროს მიფიქრია, რომ ამის მომსწრე გავხდებოდი. არასდროს მიფიქრია, რომ ამას დიდი ბრიტანეთიდან დავინახავდი“.
სატელეფონო ინტერვიუში ტრამპი დასძენს: „ძალიან სამწუხაროა იმის დანახვა, რომ ურთიერთობა აშკარად ისეთი აღარ არის, როგორიც იყო“.
ორშაბათს, სტარმერმა თემთა პალატას განუცხადა, რომ მთავრობას „არ სჯერა რეჟიმის ციდან შეცვლის“ .
თავდაპირველად, დიდმა ბრიტანეთმა აშშ-ს ბრიტანული ბაზების ირანზე თავდასხმისთვის გამოყენების უფლება არ მისცა, მაგრამ შემდეგ თავისი ბაზები ირანის ობიექტებზე „თავდაცვითი“ დარტყმებისთვის გახსნა.
ტრამპმა „The Sun“-ს განუცხადა: „საფრანგეთი შესანიშნავი იყო. ყველა მათგანი შესანიშნავი იყო. დიდი ბრიტანეთი სხვებისგან ბევრად განსხვავებული იყო“.