თბილისის საქალაქო სასამართლომ ბაჩანა ახალაიას აღკვეთის ღონისძიების სახით პატიმრობა შეუფარდა. დახურულ რეჟიმში მიმდინარე სასამართლო პროცესზე გადაწყვეტილება მოსამართლე მეია მელქაძემ მიიღო.
სახელმწიფო უსაფრთხოების სამსახურმა საქართველოს ყოფილი თავდაცვის მინისტრი ბაჩანა ახალაია 4 ოქტომბრის მოვლენებთან დაკავშირებით 25 დეკემბერს დააკავა. მას ბრალდება საქართველოს სისხლის სამართლის კოდექსის 225-ე მუხლის პირველი ნაწილით ჯგუფური ძალადობის ორგანიზება და ხელმძღვანელობა წარედგინა, რაც სასჯელის სახედ და ზომად ცხრა წლამდე თავისუფლების აღკვეთას ითვალისწინებს.