მე არ ვარ ინფორმირებული იმ საქმის დეტალების შესახებ, რომელსაც საქართველოსა და იქაურ კორუფციულ საქმიანობასთან დაკავშირებით აყენებთ, მაგრამ ყურადღებით განვიხილავ მას და ჩვენ ამ მოთხოვნებს ბრიტანეთის ვირჯინიის კუნძულებს წარვუდგენთ, – ამის შესახებ დიდი ბრიტანეთის საგარეო საქმეთა მდივანმა დევიდ ლემიმ პარლამენტის წევრის, ფილ ბრიკელის საქართველოსთან დაკავშირებით დასმული შეკითხვის საპასუხოდ განაცხადა.
ფილ ბრიკელი: „საგარეო საქმეთა მინისტრო, თქვენ დიდი ხანია იბრძვით იმისთვის, რომ ლონდონი იქცეს მსოფლიო ანტიკორუფციული დედაქალაქად და მე ვაქებ თქვენს ამ ძალისხმევას. ამ კონტექსტში, მინდა მოკლედ ვისაუბრო ზღვისიქითა ტერიტორიებზე. საქართველოში, პრორუსული „ქართული ოცნების“ წამყვანი წევრები, სამოქალაქო საზოგადოების ჩახშობისა და ქართველი ხალხის სამოქალაქო თავისუფლებების შეზღუდვის პარალელურად, სავარაუდოდ, იყენებენ ბრიტანეთის ვირჯინიის კუნძულებზე რეგისტრირებულ კომპანიებს თავიანთი სიმდიდრის გასასაიდუმლოებლად და დასამალად. ამავდროულად, ბრიტანეთის ვირჯინიის კუნძულებმა კიდევ ერთხელ გადაავადა ბენეფიციართა საკუთრების საჯაროდ ხელმისაწვდომ რეესტრის დანერგვა, ამავდროულად, ბრიტანეთის ვირჯინიის კუნძულებმა კიდევ ერთი ვადა გაუშვა საჯაროდ ხელმისაწვდომი ბენეფიციარი მფლობელების რეესტრების შემოღების შესახებ. 2018 წლის სანქციებისა და ფულის გათეთრების საწინააღმდეგო აქტის მიღების შემდეგ, მან ვადა გადაწია 2020 და 2023 წლებში. თქვენი აზრით, რა სიგნალს უგზავნის ეს მთელ მსოფლიოს?“
დევიდ ლემი: „ეს საშინელ სიგნალს უგზავნის. ეს არის ის, რაზეც ჩვენ ვაგრძელებთ დისკუსიას ბრიტანეთის ვირჯინიის კუნძულებთან – და ჩვენ სერიოზულად ვართ განწყობილნი. სწორედ ამიტომ, მომავალ წელს უკანონო ფინანსებთან დაკავშირებით კონფერენციას გავმართავ. სწორედ ამიტომ ვთხოვე ქალბატონ მარგარეტ ჰოჯს, მხარი დაგვიჭიროს ამ საკითხის გადაჭრისა და საერთაშორისო საზოგადოების გაერთიანების მცდელობებში. დეპარტამენტი კიდევ ბევრს გააკეთებს.
მე არ ვარ ინფორმირებული იმ საქმის დეტალების შესახებ, რომელსაც თქვენ აყენებთ საქართველოსა და იქაურ კორუფციულ საქმიანობასთან დაკავშირებით, მაგრამ ყურადღებით განვიხილავ მას და ჩვენ ამ მოთხოვნებს ბრიტანეთის ვირჯინიის კუნძულებს წარვუდგენთ“.