„ლელო საქართველოსთვის“ ლიდერს, მამუკა ხაზარაძეს თბილისის საქალაქო სასამართლოს მოსამართლემ აღკვეთის ღონისძიების სახით 50 000-ლარიანი გირაო შეუფარდა.
აღნიშნული გადაწყვეტილება მოსამართლე არსენ კალატოზიშვილმა მიიღო.
„არ ვაღიარებ არალეგიტიმურ პარლამენტს, ისევე როგორც მის მიერ შექმნილ კომისიას, ისევე, როგორც არ აღიარებს ამ არალეგიტიმურ პარლამენტს მსოფლიოს ცივილური სამყარო, დემოკრატიული ქვეყნები. ეს არის ჩემი ურყევი პროტესტი და ეს პროტესტი იქნება მყარი. არანაირი და ვერანაირი გადაწყვეტილება მე ამ რწმენას ვერ შემაცვლევინებს. ეს განვუცხადე მოსამართლეს. ამასთან, ბოლო ხუთი წლის განმავლობაში, რაც პოლიტიკაში შემოვედი, „ქართული ოცნების“ მხრიდან მიმდინარეობს ჩემი პიროვნული დისკრედიტაციის მცდელობა სხვადასხვა მოგონილი საქმეებიდან გამომდინარე. ესეც განვაცხადე სასამართლოში“, – განაცხადა მამუკა ხაზარაძემ.