აუტიზმის ცნობადობის ამაღლების საერთაშორისო დღესთან დაკავშირებით, ლანჩხუთის მუნიციპალიტეტის მერი ალექსანდრე სარიშვილი, პირველ მოადგილე ეკატერინე გუჯაბიძე, საკრებულოს თავმჯდომარე ბესიკ ტაბიძე და ასოციაცია „საბას“ დამფუძნებელი ინეზა კვაჭაძე აუტისტური სპექტრის მქონე ბავშვებს შეხვდნენ და საჩუქრები გადასცეს.
„ჩვენ მუდამ მზად ვართ მხარდაჭერისთვის. ყველაფერს გავაკეთებთ, რათა ყველა ის პროგრამა, რაც მათი განვითარებისთვის მნიშვნელოვანია, განვახორციელოთ. ჯანმრთელობას და კეთილდღეობას გისურვებთ“.- აღნიშნა ალექსანდრე სარიშვილმა.
ლანჩხუთის მუნიციპალიტეტში „აუტისტური სპექტრის მქონე ბავშვთა სარეაბილიტაციო კურსის დაფინანსების პროგრამა“ ხორციელდება, რომლითაც 37 ბენეფიციარი სარგებლობს და მიმდინარე წელს 155 000 ლარით ფინანსდება.
ინფორმაციას ლანჩხუთის მუნიციპალიტეტის მერია ავრცელებს.