მსოფლიოს მასშტაბით USAID-ი აშშ-ის მთავრობის მიერ რეჟიმების ცვლილების ოპერაციების მთავარი კომპონენტია. ყოველწლიურად USAID-ი მილიარდობით დოლარს ხარჯავს საზღვარგარეთ არასამთავრობო ორგანიზაციების მხარდასაჭერად, რომლებიც ფუნქციონირებენ, როგორც ჩრდილოვანი მთავრობები, ძირს უთხრიან არჩეულ მთავრობებს, რომლებიც აშშ-ის ინტერვენციას სურს, რომ ჩამოაგდოს, – ამის შესახებ ყოფილი კონგრესმენი ტეხასიდან, აშშ-ის სამგზის პრეზიდენტობის კანდიდატი, რონ პოლი აცხადებს, რომლის ვიდეოსაც ილონ მასკი სათაურით „საინტერესოა“ სოციალურ ქსელში აზიარებს.
რონ პოლის თქმით, საზღვარგარეთ აშშ-ის საგარეო პოლიტიკის კატასტროფების უკან USAID-ის კვალია.
„საზღვარგარეთ აშშ-ის საგარეო პოლიტიკის კატასტროფების უკან USAID-ის კვალს დაინახავთ. უკრაინიდან საქართველომდე და უფრო შორს, USAID-ი ერევა უცხო ქვეყნების შიდა საქმეებში, რაც გამოიწვევდა ამერიკელთა რისხვას, ჩვენთან რომ მომხდარიყო. როდესაც პრეზიდენტმა ტრამპმა გასცა ბრძანება USAID-ის საქმიანობის 90-დღიანი პაუზის შესახებ, ჩვენ სწრაფად გავიგეთ, რამდენად მავნებელია სააგენტო სინამდვილეში. გავრცელებული ინფორმაციით, მედიასაშუალებების 90 პროცენტს აფინანსებს აშშ-ის მთავრობა. ეს ნიშნავს, რომ უკრაინაში პრაქტიკულად არ არსებობს დამოუკიდებელი მედია, არსებობს მხოლოდ ყალბი საინფორმაციო გამოშვებები, რომლებსაც სურთ, აშშ-ის ადმინისტრაციის პროპაგანდისტული ხაზის გატარება. ვინმეს ჰგონია, რომ ეს მთლიანად აშშ-ის მიერ დაფინანსებული საინფორმაციო საშუალებები გამოაქვეყნებენ ოდესმე რამეს, რისი გამოქვეყნებაც აშშ-ის მთავრობას არ სურს? ეს აშკარად ამორალურია, მაგრამ, ასევე, საშიში. ახალ ამბებს, ბრძოლის ველიდან დაწყებული და უკრაინელი სამხედროების დანაკარგებით დამთავრებული, წერენ აშშ-ის მთავრობის მიერ მხარდაჭერილი მედიასაშუალებები, რასაც შემდეგ აკოპირებენ აშშ-ისა და სხვა დასავლური მედიები. ეს არის პროპაგანდის დახურული ციკლი, რომელიც არა მხოლოდ პროპაგანდას უწევს აშშ-ის მოქალაქეებს, არამედ აწვდის ცრუ ინფორმაციას აშშ-ის სამთავრობო ორგანოებს, მაგალითად, კონგრესს, რომელიც ეყრდნობა უკრაინის შესახებ აშშ-ის მეინსტრიმულ მედიას. გასაკვირი არ არის, რომ ვაშინგტონში ამდენი ადამიანი აგრძელებს ამ უიმედო ომის მხარდაჭერას“, – აცხადებს ყოფილი კონგრესმენი.
მისი თქმით, ამერიკელებს აქვთ უფლება იცოდნენ, რა გაკეთდა მათი სახელით.
„ცოტა ხნის წინ ილონ მასკმა „ნიუ იორკ პოსტის“ სტატია გაავრცელა, სადაც აღნიშნულია, რომ USAID-მა დახარჯა 53 მილიონი დოლარი ეკოჯანმრთელობის ალიანსზე, კორონავირუსთან დაკავშირებულ კვლევაზე ვუჰანის ლაბორატორიაში. ეხმარებოდა თუ არა USAID-ი კოვიდის დაფინანსებას? ამერიკელებს აქვთ ამის ცოდნის უფლება. USAID-ს სჭირდება სრული და გამჭირვალე აუდიტი. ამერიკელებს აქვთ უფლება იცოდნენ, რა გაკეთდა მათი სახელით. ამის შემდეგ სააგენტო სრულად უნდა დაიხუროს და მისი თანამშრომლები სახლში გაუშვან“, – აცხადებს ყოფილი კონგრესმენი რონ პოლი.