რესპუბლიკელი სენატორი, შეიარაღებული ძალების კომიტეტის წევრი როჯერ უიკერი ჯო ბაიდენის ადმინისტრაციას მოუწოდებს, დააწესოს სანქციები „ქართულის ოცნების“ ლიდერების, მათ შორის ბიძინა ივანიშვილის, კახა კალაძის და პრემიერ-მინისტრ ირაკლი კობახიძის წინააღმდეგ.
„მე ვიტყოდი, რომ ახლა დროა, აშშ-მა უფრო გადამწყვეტი და დროული გადაწყვეტილება მიიღოს. სანახევრო ზომები არასწორი გზავნილი გახლავთ ამ ეტაპზე. მე მოვუწოდებ ბაიდენის ადმინისტრაციას, სანქციები დაუწესოს „ქართული ოცნების“ ლიდერებს. მათ შორის ბიძინა ივანიშვილს, კახა კალაძეს და პრემიერ-მინისტრ კობახიძეს. საქართველოს რესპუბლიკა არის თავისუფლების მოყვარე ხალხის სახლი. ისინი ერთხელ უკვე იყვნენ მოსკოვის ფეხქვეშ და უკან დაბრუნება არ სურთ“, – აცხადებს უიკერი ვიდეომიმართვაში, რომელსაც სოციალურ ქსელ X-ზე ჰელსინკის კომისია ავრცელებს.