ახალქალაქის მუნიციპალიტეტის სოფლების – გოკიოსა და ალასტანის დამაკავშირებელი გზის რეაბილიტაციისთვის მოსამზადებელი სამუშაოები დაიწყო.
მუნიციპალიტეტის მერის მოადგილემ თეიმურაზ მჭედლიძემ სამუშაოები ადგილზე დაათვალიერა.
ამ ეტაპზე მოსაწესრიგებელი სამუშაოები ხორციელდება, რის შემდეგაც დაიგება ასფალტ -ბეტონის გზა. სოფლის მოსახლეობა მალე შეუფერხებლად შეძლებს გადაადგილებას.
ასფალტ-ბეტონის საფარი გზის 6.4-კილომეტრიან მონაკვეთზე დაიგება.
პროექტი რეგიონული განვითარების ფონდიდან და ადგილობრივი ბიუჯეტიდან ფინანსდება და მისი ღირებულება 6 063 000 ლარს შეადგენს.
საგზაო ინფრასტრუქტურის მოწესრიგების სამუშაოებს კომპანია შპს „ჯავახავტოგზა“ ასრულებს.
ინფორმაციას ახალქალაქის მუნიციპალიტეტის მერია ავრცელებს.