შვიდი წლის წინ არ ვიფიქრებდი, რომ ირაკლი ღარიბაშვილს შეუძლია, ქონება ისე დააგროვოს, ამის დეკლარირება არ მოახდინოს და ასეთი მასშტაბის დანაშაული გამოიკვეთოს, მაგრამ ეს მოხდა და მან დანაშაული აღიარა, – ამის შესახებ პარლამენტის პირველმა ვიცე-სპიკერმა, გიორგი ვოლსკიმ განაცხადა.
მისი თქმით, ვინც ცდილობს, საქართველოში ექსტრემისტული პროცესები განვითარდეს, ამ თემას გამოიყენებს.
„„დიფ სთეითი“ იქნება, თუ „ასავალ-დასავალი“, ამ თემას გამოიყენებს. ვინც ცდილობს, საქართველოში ექსტრემისტული პროცესები განვითარდეს, ამას გამოიყენებს. ფრთიანი ფრაზებია – „ზურგში დანა“, „ყელში სამართებელი“. ის ასე ამბობს, ჩვენ – ასე. სხვადასხვა შეფასებაა, მაგრამ ამ შეფასებების და განსხვავებების მიუხედავად, არ იცვლება თავად საკითხის არსი, რომელიც საკმაოდ მძიმეა. აღიარებული და მძიმე დანაშაულია – რეალობაა, რომ ამ დანაშაულის ჩამდენის განცხადებები და უსაფუძვლო ბრალდებები ეროვნული ინტერესების წინააღმდეგაა გამოყენებული. ამას ზურგში დანის ჩარტყმას დაარქმევთ, თუ ყელში სამართებლის გამოსმას, ეს უკვე გემოვნების თემაა“, – აღნიშნა ვოლსკიმ.